الاشتراكية العصرية "بوست ساخر"

هبقي اشتراكية و انا في جامعة يدفع فيها أهلي في السنة الدراسية اكتر من مصاريف اسرة كاملة في سنة, هركب عربية أبويا دافع فيها ما يأكل حارة كاملة لمدة شهر, أتويت ضد الرأس مالية من الأي باد بتاعي و أنا بشرب أزازة البيرة الستلا و علشان بجد نكون مؤمنين بالقضية هنشتري كل كتب الاشتراكية من أمازون و هيوصلولي علي بيتي في مصر الجديدة و الشغالة هتستلمهم و تدي شركة الشحن تمنهم اللي ممكن يجيب لعيالها لبس العيد ده و الجاي, هاجيب سويت شرت جاب و ألبسه بتمن مرتب موظف الحكومة في شهر بس مش هنسي أحط علية الكوفية الفلسطينية و كلمة يا رفيق

و اللي غلي راسه باطحة I hope I am doing it right, no offense to anybody

خواطر #عبث

بعد كل إللي حصل نزلت الشارع أتمشي لوحدي !

ودونت خواطري !

 حد يتضايق لما بيمشي في الشارع ميلقاش ولا عربية من صنع بلده ؟

حد بيزعل لما بيلاقي أكوام زبالة في الطريق ؟

حد بيقرف من منظر الرصيف المتكسر أو الشارع المش متسفلت ؟

حد من البنات بتخنق لم تطاطي راسها لم حد يتحرش بيها ؟

حد بينفره منظر "البودي الكرينة" على "الجينز المحزق" على "الطرحة الاظبنيش" و "المكياج" بتاع بنت اسمها "محجبة"؟

حد بيعرف يعد على الرصيف لوحدو من غير ما يتعرض لكلام وتريقة وعربيات تقف وإحتمال بوليس ييجي يلمه؟

حد بيعرف يركب عجلة في الشارع من غير ما يتبهدل و العجلة تتبهدل؟

حد بيصعب عليه المنتقبات في الحر ؟

حد نفس يلاقي بنات لابسة حلو و شكلها حلو من غير ما يتعاكسو ؟

حد من البنات نفسها تلبس شورت ؟

حد من البنات بتعرف تشرب سجارة في الشارع من غير ما يقفلها عربية ؟

حد مخنوق ؟

حد عاوز يعيط؟

أنا لوحدي ؟

ماشي !